إنت السبب
أنا مش أنا،
ولَّا الشعور فيا اتبدل؟
صبري عليك،
خلاني أشعر بالملل،
من قسوتك؛
كل الحنين فيَّا اتقتل!
وبقيت خيال،
وبقيت محال،
مش حاسة فيك أنا بالأمل!
ومريض أنا ومافيش دوا،
صابر ومليان بالعلل!
•••
مرت سنين من كترها؛
صارت بتشبه بعضها،
مش فيها غير طعم المرار!
وايَّام بعيشها واعدَّها،
مش حاسة منك أي شوق،
صبر السنين اللي اشتكت،
خلتني أغرب في الشروق!
إحساسي بيك راح وانتهى،
فُرَصك أوام خلَّصتها!
•••
خلتني أندم إن يوم؛
فكرت فيك،
ووقفت ضد الدنيا،
واتمسِّكت بيك!
خلتني رافض أعترف إنك شريك.
